Nënkryetari i Odës së Mjekëve të Kosovës merr pjesë në ngjarje ndërkombëtare në Athinë

Nënkryetari i Odës së Mjekëve të Kosovës, Dr. Rrezart Halili, mori pjesë në 100 vjetorin e Asociacionit Panhelenic të Mjekëve, e cila u mbajt më 13 dhjetor 2025 në Athinë, Greqi, me ftesë nga nikoqiri.

Gjatë ceremonisë u paraqit rrugëtimi historik i Asociacionit Panhelenic të Mjekëve, si dhe u diskutua rreth sfidave bashkëkohore dhe perspektivave të ardhshme të profesionit mjekësor.

Në kuadër të kësaj ngjarjeje, Dr. Halili zhvilloi një takim të veçantë me Dr. Jacquline Kitulu, Presidenten e Shoqatës Botërore të Mjekëve (World Medical Association) gjatë të cilit u diskutua dhe u negociua për forcimin e bashkëpunimit ndërkombëtar dhe anëtarësimin e Odës së Mjekëve të Kosovës në WMA.

Kjo pjesëmarrje përbën një hap të rëndësishëm drejt rritjes së prezencës ndërkombëtare të OMK-së dhe avancimit të interesave profesionale të mjekëve të Kosovës në organizata mjekësore botërore.