Mirënjohje për Odën e Mjekëve të Kosovës

Kryetari i Odës së Mjekëve, Dr. Pleurat Sejdiu priti në takim Dr. Kemajl Emini, drejtor për shëndetësi dhe Mirëqenie Sociale në Komunën e Ferizajt, Dr. Nazim Dauti, delegat i OMK-së në Spitalin e Përgjithshëm në Ferizaj, Dr. Xhevdet Haxhidema, delegat nga QKMF Ferizaj, për të pranuar mirënjohjen për kontributin e Odës së Mjekëve të dhënë në organizimin e javës së shëndetësisë Ferizajase me rastin e 150 vjetorit të themelimit të Qytetit të Ferizajt.

Mirënjohjet u dhuruan nga kryetari i Komunës së Ferizajt, z. Agim Aliu dhe nga drejtoria për Shëndetësi dhe Mirëqenie Sociale, Dr. Kemajl Emini.

Oda e Mjekëve të Kosovës falënderon institucionet përkatëse për ndarjen e mirënjohjeve duke uruar suksese të tjera në vazhdimësi.