Ministri Latifi tejet i kënaqur me të arriturat e OMK-së

Sot, Kryetari i Odës së Mjekëve të Kosovës Dr Pleurat Sejdiu me bashkëpunëtorët e tij, priti Ministrin e Shëndetësisë, Dr. Rifat Latifi me bashkëpunëtorët, Kujtim Salihu, Shef i Kabinetit dhe Dr. Anton Shllaku, Këshilltar Politik.

Pas prezentimit të punës së OMK-së nga ana e Kryetarit Sejdiu, Ministri Latifi u shpreh tejet i kënaqur me të arriturat e OMK-së, si dhe nivelin e organizimit profesional dhe efikasitetin e punës. Ministri Latifi uroi OMK-në për suksese të tjera, duke ofruar përkrahjen dhe gatishmërinë e plotë për bashkëpunim nga ana e MSh-së me qëllim të ngritjes së profesionalizmit dhe përmirësimit të kujdesit shëndetësor për qytetarët.