Memorandum bashkëpunimi në mes të Odës së Mjekëve të Kosovës dhe Kompanisë së Sigurimeve Sigal UNIQA Group Austria

Oda e Mjekëve të Kosovës dhe Kompania e Sigurimeve Sigal UNIQA Group Austria nënshkruan memorandum bashkëpunimi. Ky memorandum synon komunikim në mes subjekteve të këtij memorandumi lidhur me ofrimin e sigurimit të përgjegjësisë profesionale për mjekët/anëtarë të OMK-së nga kompania e sigurimeve si palë në këtë memorandum.

Memorandumi ka për qëllim vecanërisht që nga pala e cila ofron sigurime të përgjegjësisë profesionale të paraqesë ofertë të vecantë për mjeket/anëtarët e OMK-së, e cila është palë në këtë memorandum.

Në kuadër të Memorandumit të nënshkruar nga OMK dhe Sigal Uniqa, palët janë dakorduar që me rastin e kontraktimit të sigurimit të përgjegjësisë nga mjekët individualisht, Sigal Uniqa do të ofrojnë pako edhe sigurimin Mini-Kasko si produkt shtesë pa pagesë, në pajtim me kushtet e përcaktuara në ofertë

Anëtarët do të bëjnë sigurimin në baza vullnetare bazuar në kushtet e dakorduara në mes të dy institucioneve.

Oferta është dizajnuar për përgjegjësinë profesionale të mjekëve gjatë ushtrimit të profesionit të tyre të cilët mund të atakohen me rreziqe të ndryshme, ndër më të rëndësishmit ato të gabimeve të mundëshme profesionale , ku këto gabime mund ti bëjnë përgjegjës ligjerisht ndaj palëve të treta.

Më poshtë gjeni të bashkangjitur formën e plotë te memorandumit:

Memorandum bashkepunimi ne mes OMK dhe Sigal Uniqa Group Austria