Mbyllen punimet e ditës së parë të Kongresit të Katërt të Mjekësisë.

Dita e parë e Kongresit të Katërt të Mjekësisë, me fokus Diabeti Melit – Qasja interdisiplinare, ka përfunduar me sukses.

U prezantuan temat si: Prioritetet në kujdesin shëndetësor për të rriturit me diabet, Historia dhe e ardhmja e Diabetit melit si model për sëmundje kronike jo të transmetueshme-roli kritik i personit me sëmundje, Sëmundjet shoqëruese te pacienti me këmbë diabetike, Trajtimi i neuropatisë diabetike te dhimbshme etj.

Prezantuan ligjëruesit: Prof. Dr. Agron Ylli, Prof. Ass.Dr. Laura Leci, Prof. Dr. Zelko Metelko, Prof. Ass. Dr. Vera Kukaj, Prof. Asoc. Dr. Antigona Hasani, Ass. Dr. Rajmonda Nallbani, Prof. Ass.Dr. Elton Bahtiri etj.

Në kuadër të këtij Kongresi ishte edhe panairi me kompani të ndryshme, ku u promovuan produkte mjekësore.

Ndërsa gjatë sesionit të tretë u mbajt edhe punëtoria Pompa e insulinës si një aktivitet me interesim të konsiduerueshëm të pjesëmarrësve.

Në ditën e parë të këtij Kongresi morën pjesë rreth 1000 mjekë të profileve të ndryshme të mjekësisë.

Ndërsa nesër në orën 08:00 do të filloj evidentimi i pjesëmarrësve, ndërsa në orën 09:00 do të fillojnë punimet e ditës së dytë të Kongresit të Katërt të Mjekësisë.