Ligjëruese e ftuar në Kongresin e IV të Mjekësisë, Prof. Dr. Zelia Velija- Asimi, MD, PhD

Prof. Dr. Zelija Velija -Asimi është Specialiste e Mjekësisë Interne, Subspecialiste e Endokrinologjisë dhe Diabetologjisë dhe Anëtare e Kolegjit Amerikan të Endokrinologjisë.

Prof. Dr. Asimi është kryetare e Shoqatës së Endokrinologjisë dhe Diabetologjisë në Bosnjë dhe Hercegovinë që nga viti 2016, dhe anëtare e Komitetit të Anëtarësimit të Shoqatës Evropiane të Endokrinologjisë.

Gjithashtu punon si drejtoreshë e UniMed – klinikë private ambulatore në Sarajevë dhe si profesoreshë me kohë të plotë të Mjekësisë Interne dhe Endokrinologjisë dhe Diabetologjisë në Shkollën Mjekësore të Sarajevës, Universiteti SSST.

Ka qenë profesoreshë e asociuar nga viti 2013 deri në vitin 2019, në Departamentin e Mjekësisë Interne – lënda e Endokrinologjisë dhe Diabetologjisë, në Fakultetin e Mjekësisë të Universitetit të Sarajevës.

Për një kohë të gjatë ka punuar në Qendrën Klinike të Universitetit të Sarajevës si shefe e departamentit diagnostik dhe poliklinik të Klinikës për Endokrinologji dhe Diabetologji.

Ndërsa angazhimi i saj i parë ishte në Qendrën Klinike dhe në Fakultetin e Mjekësisë në Prishtinë.

Prof. Dr. Velija është autore e shumë librave me recensione, teksteve universitare, udhërrëfyesve me recensione dhe shumë punimeve shkencore dhe profesionale. Ka marrë pjesë në shumë projekte shkencore, si dhe ka përfunduar edukimin e vazhdueshëm profesional në menaxhim shëndetësor. Është anëtare e shumë shoqatave profesionale dhe shkencore.