Kuvendi i Odës së Mjekëve mbajti zgjedhjet për kryetar të OMK-së.

Si rezultat i zgjedhjeve që janë mbajtur me 01 dhjetor, që është dëshmuar si një proces demokratik, është formuar Kuvendi i ri i OMK-së.

Kuvendi si organi më i lartë i këtij institucioni përbëhet nga 134 anëtarë, të cilët sot shfrytëzuan të drejtën e votimit dhe me anë të saj shprehën vullnetin për zgjedhjen e kryetarit të OMK-së.

Në fjalimin hyrës, kryetari i tanishëm Dr. Pleurat Sejdiu tregoi punën dhe angazhimin e tij për gjatë këtyre 4 viteve dhe shpalosi planin e tij për 4 vitet e ardhshme.

Gjithashtu edhe kundërkandidati Dr. Ramush Bejiqi bëri prezantimin e planit të tij.

Pas përfundimit të procesit zgjedhor në Kuvendin e Odës, sipas votimit të fshehtë Dr. Pleurat Sejdiu u rizgjodh në funksionin e kryetarit të OMK-së.

Mandati për legjislaturën e tretë të Kuvendit të OMK-së do zgjasë për 4 vitet e ardhshme.

Dr. Sejdiu në fjalimin përmbyllës u shpreh se na presin sfida të ndryshme përpara dhe falënderoi të gjithë pjesëmarrësit e veçanërisht stafin e tij me të cilët ka bashkëpunuar vazhdimisht.