Kuvendi i II-të i Odës së Mjekëve të Kosovës (OMK)

Të nderuar mjekë,

Kuvendi i II-të i Odës së Mjekëve të Kosovës (OMK) dje me datë 14 dhjetor 2017 ka përfunduar me sukses punimet e Mbledhjes Konstitutive. Në këtë mbledhje janë zgjedhur organet e nevojshme në kuptim të Ligjit për Odat e Profesionistëve Shëndetësor dhe Statutit të OMK-së dhe kështu janë plotësuar kushtet për të themeluar organet e nevojshme për funksionimin e plotë të OMK-së.

Në një proces demokratik, me votë të drejtpërdrejt dhe konkurim në mes të kandidatëve, Kuvendi i OMK-së në fuksionin e Kryetarit të OMK-së ka zgjedhur:

Dr. Pleurat Sejdiu

Ndërkaq në cilësi të dy zëvendëskryetarëve, Kuvendi i OMK-së ka zgjedhur:

Dr. Rrezart Halili dhe
Dr. Naser Gjonbalaj

Faleminderojmë të gjithë anëtarët e Kuvendit të II-të të OMK-së për vullnetin dhe ndërgjegjen e tyre përfaqësuese për t’i ushtruar kompetencat dhe autorizimet e tyre.

Faleminderojmë të gjithë mysafirët që e nderuan këtë organizim me pjesëmarrjen e tyre dhe përkrahjen e vazhdueshme që i kanë ofruar OMK-së.

Urojmë të gjithë të zgjedhurit nga ky proces me urimin për një mandat të suksesshëm.

Oda e Mjekëve të Kosovës

15 dhjetor 2017, Prishtinë