KRYETARI I OMK-SË PRET NË TAKIM SHEFIN E RI TË LUX-DEV, PROJEKTI PËR SHËNDETËSI

Sot, në selinë e OMK-së, është mbajtur takimi ndërmjet Kryesisë së Odës së Mjekëve të Kosovës dhe përfaqësuesve të Luxemburg Development.

Në këtë takim ishte shefi i ri i projektit për shëndetësi në kuadër të LUX – Dev, ku u diskutuan të arriturat e Odës së Mjekëve të Kosovës gjatë legjislaturës së II-të, nga Kryetari i OMK-së, Dr. Pleurat Sejdiu.

Në këtë takim u prezantuan edhe planet për të ardhmen ku LUX-Dev. Drejtoresha e zyrës rajonale e Lux Dev, Znj. Gulten Aka u zotua se do të jap kontribut edhe në:

1.       Implemtimin e projektit për ndërtimin e ndërtesës së përbashkët të Odave të Profesionistëve Shëndetësorë (OPSH-ve).
2.       Bashkëfinancimin e projektit të profilizimit të mjekëve – Trajnime specifike jashtë vendit.
3.       Vazhdimi i mbështetjes së ngritjes së kapaciteteve të OMK-së.

Zyrtarët e LUX- Dev u shprehën të kënaqur për arritjet e Odës gjatë këtyre tre viteve të fundit, gjithashtu shprehën interesimin për mbështetjen e këtyre tre propozimeve si dhe u theksua  se OMK është komponenta më e sukseshmë e projektit të Luksemburgut, nga katër prej tyre në shëndetësi.