KRYETARI I OMK-SË MERR PJESË NË TAKIMIN VJETOR TË FORUMIT EUROPIAN TË SHOQATAVE MJEKËSORE
29 Gusht 2019Kryetari i Odës së Mjekëve të Kosovës dr. Pleurat Sejdiu po qëndron në kryeqytetin e Malit të Zi për të marrë pjesë në takimin vjetor të Forumit Europian të Shoqatave Mjekësore. Kryetarit Sejdiu i është bërë ftesë nga Oda e Mjekëve të Malit të Zi e cila edhe është organizatore e takimit të sivjetëm.
Si çështje diskutimi gjatë takimit do të jenë temat aktuale që po e prekin sektorin e shëndetësisë jo vetëm në rajonin e Ballkanit por edhe në nivel europian dhe atë botëror. Ndër temat më të rëndësishme u diskutuan çështja e kushteve të punës të mjekëve, dhuna në sektorin e shëndetësisë, studimet themelore të mjekësisë si dhe migrimi i mjekëve nga shtetet e Ballkanit.
Kryetari i Odës së Mjekëve, dr. Sejdiu gjatë këtij takimi përveç që shpalosi arritjet dhe sfidat e institucionit të cilin e drejton poashtu ngriti shqetësimet e tij në disa nga temat që u diskutuan, siç janë kushtet e punës së mjekëve, dhuna fizike e ushtruar ndaj mjekëve gjatë ushtrimit të profesionit, migrimi i mjekëve të rinj nga vendi ynë, etj.
Me këtë rast, Kryetari Sejdiu falenderoj Odën e Mjekëve të Malit të Zi për ftesën dhe bashkëpunimin e ndërsjellë që kanë me Odën e Mjekëve të Kosovës.
