Kosova për herë të parë hyn ne hartën evropiane të Regjistrit Renal të vitit 2017

Pas një pune intensive të ekipit të Repartit të Dializës dhe bazuar në udhëzimet e Asociacionit Evropian të Veshkës – Asociacionit Evropian të Dializës dhe Transplantit të Veshkës (ERA-EDTA) për herë të parë të dhënat e përpilura nga profesionistët dhe specialistët e sëmundjeve të veshkave të SHSKUK-së janë pranuar zyrtarisht nga Asociacioni i lartpërmendur evropian i regjistrit renal.

Ky regjistër përmbledh pacientët në stadin terminal të sëmundjes së veshkës e që kërkojnë zëvendësim të funksionit renal, duke përfshirë prevalencën, incidencën, diagnozat më të shpeshta klinike, pastaj moshën e gjininë e të prekurve nga kjo patologji, për vitin kalendarik 2017.

Ky hap,paraqet një bazë solide për të vazhduar përcjelljen e këtyre parametrave, tash me në mënyrë të rregullt, ne baza të përvitshme,dhe bazuar në to, edhe zhvillimin e politikave përkatëse për parandalimin dhe trajtimin e  duhur të patologjive të përfshira në këtë regjistër siç janë: nefropatia diabetike, hipertensioni arterial, që çojnë në sëmundjen kronike terminale të veshkave, me pasoja të rënda ekonomiko-sociale për familjet e të prekurve dhe sistemin shëndetësor në përgjithësi.

Më poshtë e gjeni linkun e regjistrit:

ERA-EDTA Registry