KONKURS PUBLIK PËR PËRKRAHJE FINANCIARE TË PUNIMEVE SHKENCORE PËR VITIN 2023

Oda e Mjekëve të Kosovës në vazhdën e aktiviteteve të saj, duke u bazuar në Nenin 30 të Rregullores për Edukim të Vazhdueshëm Profesional, në lidhje me përkrahjen e zhvillimit të kapaciteteve njerëzore shkencore të vendit dhe me qëllim të promovimit të shkencës kosovare shpallë Konkurs për përkrahje financiare të punimeve shkencore për vitin 2023.

Përmes këtij konkursi i bëjmë thirrje mjekëve kosovar të konkurrojnë për përfitimin e granteve shkencore për punimet e publikuara gjatë vitit 2023. Dhjetë (10) punimet e përzgjedhura sipas kritereve të poshtëshënuara do të përfitojnë shumën në vlerë prej 1.000 € (euro).

Nëse në fund të listës së kandidatëve të përzgjedhur rezulton më tepër se një kandidat me pikë të njejta, atëherë shuma e dedikuar ndahet në përpjestim të barabartë me numrin e kandidatëve.

Një kandidat ka të drejtë aplikimi me vetëm një punim.

Gjeni të bashkangjitur konkursin si dhe formularin për aplikim:

Konkursi Publik per punime shkencore 2023

Formulari per aplikim

Ju njoftojmë se dokumentacionin e kërkuar mund ta dorëzoni në zyret e OMK-së ose në e-mailin zyrtar: info@omk-rks.org. Afati për dorëzimin dhe pranimin e aplikimit është deri me datë 02 Korrik, në orën 16:00 (Përfshirë edhe aplikimin online).