KONKURS PËR PËRKRAHJE FINANCIARE TË PUNIMEVE SHKENCORE

Oda e Mjekëve të Kosovës duke u bazuar në dispozitat e Rregullores për Edukimin e Vazhdueshëm Profesional në lidhje me përkrahjen e zhvillimit të kapaciteteve njerëzore shkencore të vendit dhe me qëllim të promovimit të shkencës kosovare shpall Konkurs për përkrahje financiare të punimeve shkencore.

Oda e Mjekëve të Kosovës i bënë thirrje mjekëve kosovar të konkurrojnë për përfitimin e granteve shkencore për punimet e publikuar përgjatë vitit 2022. Dhjetë (10) punimet e përzgjedhura sipas kritereve të poshtëshënuara do të përfitojnë shumën në vlerë prej 1.000 € (euro).

Nëse në fund të listës së kandidatëve të përzgjedhur rezulton më tepër se një kandidat me pikë të njejta, atëherë shuma e dedikuar ndahet në përpjestim të barabartë me numrin e kandidatëve.

Një kandidat ka të drejtë aplikimi me vetëm një punim.

Afati për konkurim është i hapur nga data: 03 mars 2023 deri 17 mars 2023 në ora 16:00 (Përfshirë edhe aplikimin online).

Më poshtë gjeni Formularin, Kushtet dhe Procedurat për aplikim

Konkursi Publik për punime shkencore 2022

Formulari për aplikim