Kongresi i tretë mjekësor, Pandemia Covid-19 Sfidat dhe Përvojat

Fillimisht ju falënderohemi të gjithë atyre që i janë përgjigjur ftesës sonë dhe atyre që janë duke punuar në përgatitjen e Kongresit të Tretë të Mjekësisë, Pandemia Covid-19 Sfidat dhe Përvojat.

Këshilli Organizativ ka analizuar të gjithë faktorët ndikues dhe duke u bazuar edhe në situatën epidemiologjike me COVID-19 në Kosovë, sidomos përkeqësimit të gjendjes gjatë muajve korrik -shtator dhe rekomandimit të Këshillit Shkencor sepse janë dorëzuar numër i pamjaftueshëm i abstrakteve për Kongres, vendos që Kongresi i tretë mjekësor, Pandemia Covid-19 Sfidat dhe Përvojat, të shtyhet për një kohë të caktuar dhe i njëjti të mbahet në muajin Prill 2022.

Me këtë rast ju informojmë se periudha për pranimin e abstrakteve vazhdon të jetë e hapur.

Për detaje tjera lidhur me Kongresin, do të njoftoheni me kohë.

Ju falënderohemi për mirëkuptim!

Këshilli Organizativ