Kongresi dhe Panairi i Parë Mjekësor do të sjellë ligjërues nga SHBA, Gjermania e Franca

Në Kongresin dhe Panairin Mjekësor që do të organizohet nga Oda e Mjekëve të Kosovës në datat 18-19 tetor 2019, do të marrin pjesë ligjërues nga e gjithë bota përfshirë nga vendet si SHBA, Gjermania e Franca

Kongresi dhe Panairi i Parë Mjekësor në Kosovë do të nis me nderimin e mjekëve që kanë kontribuar ndër vite dhe kanë merita të veçanta për mjekësinë në vendin tonë. Ata do të nderohen me titujt Nderi i Mjekut – Dr. Ali Sokoli dhe Arritje Shkencore – Dr. Musa Haxhiu.

Nënkryetari i OMK-së Dr. Naser Gjonbalaj ka treguar detaje nga përgatitjet e fundit që po bëhen për organizimin e Kongresit dhe Panairit të Parë Mjekësor në Kosovë. Ai tregon se kjo ngjarje do të jetë multidisiplinare e ndarë në dy pjesë, në internistikë dhe kirurgji, por nuk do të anashkalohet edhe diagnostika, shkruan Gazeta Shneta.

“Deri më tani janë të regjistruar mbi 1500 pjesëmarrës ku dhe po vazhdojnë ende, ndërsa si ligjërues sipas komisionit shkencor janë përzgjedhur 90 prezentime, pa llogaritur prezentimet e  puntorive/workeshop”, ka treguar Gjonbalaj.

Radiologu ka treguar edhe emrat e disa nga profesorëve nga universitetet më të njohura në botë që do të marrin pjesë në këtë kongres: Pete Killcomons (USA), Rifat Latifi (USA), Fillor F. Caushaj (USA), Sean S. Tedjarati (USA), Bernard Gouget (FRANCA), Nevila Aliu Heta (SHQIPËRI), Anyla Bulo (SHQIPERI), Gani Bajraktari (KOSOVË), Branimir Gonan (KROACIA), Slobodan Čulafić (SERBIA), Florin Ramadani (AUSTRI), Orthner Ernst (GJERMANI), Hans Zwipp (GJERMANI), Vedat Eljezi (FRANCE), Dusanka Janjevic (SERBIA), Biljana Shirgoska (MAQEDONIA E VERIUT), Teni Kamberi (FRANCE), Kemal Tolga Saracoglu (TURKEY), Ayten Saracoglu (TURKEY).

Gjonbalaj ka treguar tutje se në kongres do të mbahen edhe disa punëtori dhe workshope:

– Ne radiologji: Mechanical thrombectomy – standard of care for AIS, clinical experience– me profesionist dhe trajnere nga Europa dhe regioni i sponsorizuar nga Medtroniku / Yessfarma

– Ne kardiologji: Advanced Diagnostics in Pacemakers and ICDs– me profesionist dhe trajnere nga Europa përkatësisht Kroacia i sponsorizuar nga Medtroniku / Yessfarma

– Ne  Anesteziologji: 2nd Advanced Airway Management Workshop – Airway Management in Trauma — me profesionist dhe trajnere nga Europa dhe regjioni

– Ne shendetin riprodhues : Këshillimi virtual për kontracepsion

– Ne Oftalmologji: Uveitet

Nënkryetari i OMK-së në fund ka treguar se është siguruar numri ndërkombëtar i publikimit ISBN. Ai thotë se pjesëmarrësit mund të vazhdojnë të regjistrohen në formë elektronike.

“E rëndësishme që në kongres tani më është siguruar numri ndërkombëtar i publikimit ISBN. Regjistrimi për pjesëmarrje vazhdon të bëhet në formë elektronike ku dhe regjistrimi i vijushmërisë në ditët e kongresit do jetë elektronik me kartelën e anëtarësisë së OMK dhe është pa pagesë për të gjithë anëtarët e OMK. Gjithashtu kemi bërë marrëveshje me Oden e Fizioterapeutëve të Kosovës për mundësinë e pjesëmarrjes të tyre dhe t’u pranohen akreditimi/pikët  që do merren në këtë event shkencor”, ka deklaruar Gjonbalaj.

Gjobalaj ka treguar se Kongresi ka mbështetjen nga organizata mike ndërkombëtare qe vazhdojnë ndër vite të mbështetin shëndetësinë në Kosovë si Luxembourg Development/LuxDev, AQH dhe UNFPA, si dhe sponsorisohet nga Layo Ltd, Yess Pharm, Italmed si dhe Gazeta Shneta.

http://gazetashneta.com/kongresi-odes-se-mjekeve-te-sjelle-ligjerues-nga-shba-gjermania-e-franca/