KONGRESI I IV I MJEKËSISË- DIABETI MELIT- Ligjëruese e ftuar

Prof. Dr. Vilma Urbančič-Rovan u diplomua në Fakultetin e Mjekësisë, Universiteti i Lubjanës, në vitin 1985 dhe përfundoi specializimin nga lëmia e Mjekësisë Interne në vitin 1993.

Pas studimeve postdiplomike në diabetologji në Zagreb, ajo mori titullin master në shkenca mjekësore në vitin 1996.

Nga viti 1999, deri në janar 2006, ajo ka studiuar dinamikën e rrjedhës mikrovaskulare dhe ndryshueshmërinë e kontraksionëve të zemrës në pacientët diabetikë dhe mbrojti tezën e doktoraturës.

“Ndryshueshmëria e rrjedhës së gjakut periferik, rrahjeve të zemrës dhe frymëmarrjes në pacientët me diabet mellitus”, ku mori titullin Doktor i Shkencave Mjekësore në janar 2006.

Ka qenë autore dhe bashkëautore e mbi 30 punimeve shkencore në revista mjekësore dhe më shumë 90 abstrakte në konferenca ndërkombëtare.

Në vitin 2007 u zgjodh profesoreshë e asociuar e mjekësisë në Fakultetin e Mjekësisë në Lubjanë.

Prof. Dr. Urbančič punon në Qendrën Mjekësore Universitare në Lubjanë – Departamenti i Endokrinologjisë që nga viti 1988 dhe aktualisht është drejtuese e Njësisë së Diabetit në spital.

Krahas menaxhimit të diabetit në repartin e kujdesit intensiv dhe në pacientët me sëmundje kritike, fusha e veçantë e interesit të saj është edhe shputa diabetike. Filloi klinikën ambulatore të shputave diabetike në Qendrën Mjekësore Universitare të Lubjanës në janar 1990 dhe ngriti kurse trajnimi për shputën diabetike për infermierët dhe mjekët në Slloveni.

Që nga viti 2009, ajo ka marrë pjesë edhe në programet ndërkombëtare të trajnimit për kujdesin e shputave diabetike (Hap pas hapi, Train the Foot Trainer).

Është anëtare themeluese e Grupit të Studimit të Shputave Diabetike të EASD.

Si anëtare aktive e Grupit Ndërkombëtar të Punës për Shputën Diabetike ajo ka marrë pjesë në përgatitjen e Konsensusit Ndërkombëtar për Këmbën Diabetike.

Në periudhën 2017-2019 ka qenë nënkryetare e D-Foot International.

Në nivel kombëtar, është ish-sekretare e Shoqatës Sllovene Endokrine dhe Koordinatore e grupit punues Sllovene të Shputave Diabetike.