Komunikatë për media

Me ftesë të Bordit Drejtues të Shërbimit Spitalor dhe Klinik Universitar të Kosovës, sot është mbajtur një takim i Bordit Drejtues me drejtorët e institucioneve shëndetësore që janë në varësi të SHSKUK-së, Federatën Sindikale të Shëndetësisë, dhe Odën e Mjekëve të Kosovës.

Pikë e vetme e rendit të ditës, ishte diskutimi në lidhje me fillimin e zbatimit të Ligjit të ri për Paga, i cili ka filluar të zbatohet nga data 1 dhjetor.

Qëndrim i përbashkët i të pranishmëve ishte se ky Ligj është i mirëseardhur për të gjithë profesionistët shëndetësor dhe se presin që në fund të këtij muaji punëtorët shëndetësor të marrin pagat me rritje.

Në takim u tha se tendencat për të pezulluar zbatimin e këtij Ligji janë të pa pranueshme dhe kanë për qëllim të dëmtojnë progresin e arritur në drejtim të përmirësimit të përgjithshëm të mirëqenies së punëtorëve shëndetësor. Institucionet e pranishme në takim, ju bënë thirrje të gjitha institucioneve vendimmarrëse të jenë të kujdesshme dhe mos ta pengojnë zbatimin e këtij Ligji për interesa të grupeve të ndryshme.

Në këtë takim, Kryetari i OMK-së shprehu këto qëndrime:

1. Do përkrahin dhe kordinojnë kërkesat e sindikatës
2. Të ruhet pariteti krahasimor mes pagave të mjekut dhe kuadrit të mesëm shëndetesor
3. Institucionet shëndetësore të sigurojnë se pagesat e kujdestarive prej muajit dhjetor 2019 të bëhen komform ligjit të ri të pagave