Komiteti i Përhershëm i Mjekëve të Evropës (CPME) mban punimet e rregullta 6 mujore
24 Mars 2023Komiteti i Përhershëm i Mjekëve të Evropës (CPME) po zhvillon punimet në Dubrovnik. Punimet janë duke u udhëhequr nga Dr. Christiaan Keijzer, kryetar i CPME-së dhe Sarada Das, sekretare e Përgjithshme.
Në këtë organizim po merr pjesë Dr. Rrezart Halili, nënkryetari i Odës së Mjekëve, si dhe përfaqësues të Odave të Mjekëve të shteteve evropiane.
CPME mban takime të rregullta gjashtëmujore ku konkluzat i dërgohen Komisionit Evropian për reformimin dhe rregullimin e politikave shëndetësore.
Kësaj rradhe temat që do të preken janë shëndetësia dixhitale, praktika profesionale dhe sistemet shëndetësore, parimet, pacientët dhe etika, praktika profesionale dhe sistemi shëndetësor si dhe shëndeti publik dhe parandalimi i sëmundjeve.
OMK u bë pjesë e këtij forumi përkundër shumë lobimeve kundërshtuese të Odës së Mjekëve të Serbisë, por edhe qeverisë serbe.
