Komisioni Qendror i Zgjedhjeve i OMK për Zgjedhjet për Kuvendin e OMK-së

Të nderuar mjekë,

Komisioni Qendror i Zgjedhjeve i OMK-së pergjatë procesit përgatitor për Zgjedhjet për Kuvendin e OMK-së ka realizuar një sërë takime. Me qëllim të sensibilizimit institucional dhe shoqëror lidhur me procesin zgjedhor është realizuar takimi me Komisionin Parlamentar për Shëndetësi, Punë dhe Mirëqenie Sociale. Në këtë takim ku OMK-ja është përfaqësuar nga dr. Rrezart Halili Zëvendëskryetar i OMK-së dhe dr. Shaban Osmanaj Kryetar i KQZ-së, është diskutuar për nevojat e mobilizimit organizativ të OMK-së dhe ngritjes së vetëdijës kolektive në komunitetin profesional të mjekëve.

KQZ-ja po ashtu ka realizuar takime me komisionerët nëpër njësitë zgjedhore në të gjitha regjionet e Republikës së Kosovës. Këto takime kanë pasur qëllim njoftues lidhur me procedurat zgjedhore që duhet ndjekur për zgjedhjet që duhet të mbahen me 1 dhjetor 2017.

Me këtë rast shfrytëzojmë rastin që tu bëjmë thirrje të gjithë mjekëve që të marrin pjesë ne procesin zgjedhor me qëllim të avansimit të organizimit të mjekëve në organizatën e tyre profesionale.

Komisioni Qendror i Zgjedhjeve

Dr. Shaban Osmanaj