Këshilli Etik i OMK-së zhvillon seancë për rastin Bio-Ing Prizren

Me datën 20 Dhjetor 2018 – e enjte, Këshilli për shkeljet etiko-profesionale pranë OMK-së ka zhvilluar seancën e shqyrtimit kryesor për rastin Bio-Ing Prizren.

Kjo si rrjedhojë e bashkëpunimit të ndërsjellë të Këshillit Etik të OMK-së dhe Inspektoratit Shëndetësor të Ministrisë së Shëndetësisë, ku këta të fundit pas inspektimit të bërë në institucionin privat shëndetësor Bio-Ing në Prizren, kanë gjetur shkelje etiko-profesionale të mjekut F.B për shërbimet mjekësore të ofruara pacientit (M.Xh) në këtë institucion shëndetësor.

Pas shqyrtimit kryesor, deklarimit të të paraqiturit, inicuesve të rastit-inspektoratit shëndetësor të MSh-së si dhe administrimit të provave, Këshilli Etik në seancë të mbyllur morri vendim lidhur me rastin, vendim ky i cili do të publikohet ditëve në vijim në ueb-faqen zyrtare të OMK-së.