Hulumtim/Pyetësor rreth vaksinimit të mjekëve

18 Mars 2021

Vaksinimi për COVID-19 ka fillar në fillim të dhjetorit 2020 dhe që nga 15 Shkurt 2021, 175.3 milion doza vaksinash janë administruar. Të paktën 7 vaksina të ndryshme (3 platforma) janë administruar.

OBSH ka nxjerrë një Listë të Përdorimit Emergjent (EUL) për vaksinën Pfizer COVID-19 më 31 Dhjetor 2020. Më 15 Shkurt 2021, OBSH lëshoi EUL për dy versione të vaksinës AstraZeneca / Oxford COVID-19, prodhuar nga Serum Institute of India dhe SKBio. Deri në qershor 2021, OBSH mund të nxjerr listë të përdorimit emergjent edhe për produkte tjera të vaksinave.

Pasi që vaksinat demonstrohen të jenë të sigurta dhe efikase, ato duhet të autorizohen nga rregullatorët kombëtar, të prodhohen sipas standardeve të kërkuara dhe të shpërndahen. OBSH po punon me partnerë në të gjithë botën për të ndihmuar në koordinimin e hapave kryesorë në këtë proces, përfshirë edhe për të lehtësuar qasjen e barabartë në vaksinat e sigurta dhe efektive COVID-19 për miliarda njerëz që do të kenë nevojë për to.

Oda e Mjekëve të Kosovës ka bërë hulumtim rreth akceptueshmërisë të vaksinimit tek mjekët, ku qëllimi kryesor i hulumtimit ka qenë përcaktimi i nivelit të mundshëm të pranimit apo refuzimit dhe faktorët që ndikojnë në refuzimin e një vaksine COVID-19.

Në hulumtim janë përfshirë 2273 mjekë nga të tre nivelet shëndetësore, ku nga të gjithë pjesëmarrësit, 94.3% janë përgjigjur që janë të gatshëm ta marrin njërën nga vaksinat e aprovuara.

5.7% kanë dhënë përgjigje refuzuese, ku pjesa me e madhe e tyre apo mbi 50% e tyre si arsye e refuzimit të vaksinimit kanë dhënë “pasigurinë ndaj efekteve anësore”. Pjesa tjetër e mjekëve që kanë refuzuar kanë treguar mos besim ndaj vaksinave në përgjethsi.

Qytetarët e Kosovës në rrugën e vetme të besimit dhe informimit rreth vaksinimit e kanë Mjekun. Prandaj rezultatet e këtij hulumtimi do duhej të jenë një tregues se popullata nuk ka nevojë të frikësohet apo të jenë skeptik rreth vaksinimit kur vet mjekët i besojnë asaj.