Hapja solemne e Kongresit të VII të Mjekësisë

U mbajt hapja solemne e Kongresit të VII të Mjekësisë me temën Emergjenca, Kujdesi Intensiv dhe Anestezioni në Kriza Mjekësore: Sfidat e së Ardhmes.

Në këtë hapje solemne morën pjesë përfaqësues të institucioneve relevante si dhe mjekë të huaj nga vendet e ndryshme të botës.

Nënkryetari i Odës së Mjekëve të Kosovës, Dr. Rrezart Halili në një fjalim rasti falënderoi pjesëmarrësit për kohën që kanë ndarë për tu bashkangjitur në këtë ngjarje të rëndësishme për OMK-në, përshëndeti kryetarin e OMK-së, Dr. Pleurat Sejdiun, gjithashtu falënderoi stafin e OMK-së për angazhimin e pakusht duke theksuar se asgjë nuk do ishte e mundur pa ta.

Ai gjithashtu njoftoi të pranishmit se javën e ardhshme do të fillojnë punimet për objektin e përbashkët të Odave të Profesionistëve Shëndetësor.

Fjalë rasti patën edhe Dr. Fatos Sada, kryetar i Këshillit Shkencor, Dr. Filadelfo Coniglione, President i Shoqatës Shqiptare të Mjekësisë së Kujdesit Intesiv.

Gjatë kësaj ceremonie u bë promovimi i Rebista Mjeku, u shpërnda dekorata ‘Ali Sokoli’, Dekorata ‘Musa Haxhiu’, medalje përkujtimore për nderë të anëtarëve të OMK-së që kanë ndërruar jetë gjatë vitit 2025, si dhe u ndanë mirënjohje për anëtarët e OMK-së që janë pensionuar gjatë këtij viti.

Evidentimi për punimet e Kongresit të VII të Mjekësisë fillon nesër nga ora 08:00.