Ftesë për verifikim të të dhënave për procesin zgjedhor

Të nderuar anëtarë,

Organet kompetente të Odës kanë filluar përgatitjet për organizimin e zgjedhjeve të Kuvendit të Odës për legjislaturën e IV. Në këtë kontekst, Komisioni Qendror i Zgjedhjeve i OMK-së, me qëllim të sigurimit të ushtrimit të së drejtës themelore për pjesëmarrje në procesin zgjedhor, iu drejtohet anëtarësisë me një thirrje për ndërmarrjen e veprimeve të nevojshme për të siguruar të drejtën tuaj për të zgjedhur dhe për t’u zgjedhur.

Për t’ju mundësuar secilit anëtar ushtrimi i të drejtës zgjedhore, si e drejta për të zgjedhë dhe për të qenë i zgjedhur, të gjithë anëtarët e OMK-së, nëse kanë ndryshuar të dhënat personale, siç janë të dhënat mbi vendin e punës, adresës së vendbanimit dhe të dhënat të tjera relevante, ftohen që këto të dhëna t’i përditësojnë jo më larg se data 20 janar 2026 ne oren 14:00.
Verifikimin dhe përditësimin e të dhënave mund ta bëni përmes platfomës: https://online.omk-rks.org/dashboard

Ndryshe, ju njoftojmë se po ashtu detyrimi për t’i përditësuar të dhënat personale në bazën e të dhënave të OMK-së është detyrim ligjor i paraparë me dispozitat e Nenit 13 të Ligjit Nr. 04/L-150 për Odat e Profesionistëve Shëndetësor.

Çdo dështim për t’i përmbushur kushtet e theksuara në këtë njoftim, nënkupton pamundësinë e ushtrimit të së drejtës në zgjedhje.
Shpresojmë që çdo anëtar në pëmrbushje të detyrimeve të tilla juridike do të përfshihet në procesin zgjedhor duke e rritur cilësinë dhe nivelin e këtij procesi demokratik.