Ftesë për sponzorizim dhe ekspozim të Kongresit të V-të të Mjekësisë, me temën “Risitë në trajtimin e sëmundjeve kardiovaskulare”.

Ftesë për sponzorizim dhe ekspozim të Kongresit të V-të të Mjekësisë, me temën “Risitë në trajtimin e sëmundjeve kardiovaskulare”.

Përmes këtij njoftimi, dëshirojmë të ju informojmë së Oda e Mjekëve të Kosovës organizon Kongresin e V-të të Mjekësisë me temën “Risitë në trajtimin e sëmundjeve kardiovaskulare” do të mbahet me 27-28 Tetor 2023, në Hotel Emerald, në Prishtinë.

Ky është edicioni i pestë i Kongresit dhe Panairit Mjekësor, i cili ofron një platformë të rrjetëzimit për të gjitha kompanitë që ofrojnë shërbime, produkte dhe paisje mjekësore, agjencitë qeveritare, donatorët dhe të gjithë akterët relevant të komunitetit mjekësor.

Kompanitë do të shfaqin produktet dhe shërbimet e tyre në Pavionin Mjekësor dhe gjithashtu do të mbahen edhe Sesione të Punëtorive lidhur me produkte të ekspozuara gjatë panairit. Ekspertë ndërkombëtar dhe vendor do të prezantojnë në Kongres punimet dhe ligjeratat e tyre mbi të arriturat e fundit në lëminë e shkencave mjekësore. Në këtë aktivitet pritet të ketë deri në 2000 pjesëmarrës.

Prandaj, shfrytëzojmë rastin të ju ftojmë të paraqitni ofertën tuaj për të qenë pjesë e Kongresit të V-të të Mjekësisë. Përfitimi juaj për t’u bërë pjesë e këtij aktiviteti ndihmon në rritjen e vetëdijes për rëndësinë dhe vlerën e shërbimit apo produktit tuaj, ngritjen e imazhit të institucioni tuaj dhe rrjetëzimin e komunitetit mjekësor në përgjithësi.

Shënim: Do të ketë vetëm një (1) sponzor të Artë dhe tre (3) sponzor të Argjendtë, të cilët do të përzgjidhen sipas ofertës më të lartë.

Ofertat për sponsorizim duhet të sillen fizikisht në zyret e OMK-së, jo më larg se 01 Korrik 2023.

Përveç ofertës për sponzorizim, kompanitë mund të shfaqin produktet dhe shërbimet e tyre në Pavionin Mjekësor. Çmimi për m² i hapësirës së ekspozimit është 100€ ku hapësirat ekspozuese janë të limituara dhe do të ofrohen në tre opsione:

1) 8 m2

2) 10 m2

3) 15 m2

Shënim: Përzgjedhja e vendit të ekspozimit nga kompanitë do të bëhet sipas rradhës se kur bëhet rezervimi dhe pagesa për hapsirën ekspozuese.

Në panairet mjekësore të organizuara nga Oda e Mjekëve, 45 kompani kanë dhënë vlerësimet më të larta për pjesëmarrjen në Panair, prandaj ju ftojmë për të aplikuar si ekspozues në Kongresin dhe Panairin e Mjekësisë. Aplikimi mund të bëhet duke dërguar apo sjellur ofertat interesim, ku do e cekni edhe preferencën e juaj për hapësirën ekspozuese sipas opsioneve të lartë përmendura.

Për më shumë mund të na kontaktoni në numër 049 872 305 apo të vini në zyret tona në adresën QKUK, Instituti A, Kati i III, 10 000 – Prishtinë.

Letër interesimi për pjesëmarrje në panair dërgohet në e-mail adresën:
kongresi@omk-rks.org, jo më larg se 01 Korrik 2023.