Ftesë për plotësimin e pyetësorit lidhur me shpenzimin profesional të mjekëve (healthcare burnout)

Të nderuar anëtarë të OMK-së,

Ju ftojmë të merrni pjesë në hulumtimin shpenzimi profesional i mjekëve

Qëllimi i këtij hulumtimi është shqyrtimi i faktorëve të cilët ndikojnë në shëndetin e mjekut dhe cilësinë e jetës së tyre gjatë ushtrimit të profesionit, për shkak te detyrimeve profesionale. profesionistët e kujdesit shëndetësor kanë qenë prej kohësh të ndjeshëm ndaj shpenzimit profesional dhe shqetësimit mendor, orët e paparashikueshme dhe të gjata të punës, orët e kujdestarisë dhe pesha e vazhdueshme e përgjegjësisë, dërgon deri te shpenzimi profesional i cili është një sindromë stresi e lidhur me punën qe rezulton nga ekspozimi kronik ndaj stresit të punës. Këta faktor shpesh e bëjnë të vështirë për mjekët dhe ofruesit e kujdesit shëndetësor t’u japin përparësi kërkesave të karrierës së tyre dhe kërkesave të jetës së tyre personale, duke rritur rrezikun e lodhjes, rraskapitjen dhe sëmundjeve të lidhura me stresin.

Andaj, përmes këtij hulumtimi synohet dhënia e rekomandimeve për drejtuesit e institucioneve shëndetësore në mënyrë që të reflektojnë duke sigurar standarte të larta të punës, dhe duke ofruar kujdesin e merituar që do të ndikonte në mirëqenien e stafit mjekësor.

Kontributi juaj në këtë hulumtim është jashtëzakonisht i vlefshëm duke ditur se ju jeni burimi për të marrë informacionin e duhur. Anonimiteti i përgjigjeve është i garantuar dhe informacioni i mbledhur nga pyetesori do të përdoret vetëm për qëllime kërkimore.

Nëse keni ndonjë pyetje, ju lutem mos ngurroni të na kontaktoni në e-mailin info@omk-rks.org

Ju faleminderit për bashkëpunim!

Linku për Pyetësorin lidhur me shpenzimin profesional të mjekëve (healthcare burnout)