FTESË PËR DONACIONE/SPONSORIZIM PËR NGRITJEN E MONUMENTIT PËRKUJTIMOR

Përmes kësaj letre Ju informojmë se Odat e Profesionistëve shëndetësorë të Kosovës janë duke ngritur një monument përkujtimor për nder të profesionistëve shëndetësorë.

Iniciativa për ngritjen e një obelisku në nderim të punës dhe sakrificës së punëtorëve shëndetësorë ndër vite, u ndërmor nga Kryetari i OMK-së, qysh në tetor 2020. Pas dhënies së mbështetjes për një iniciativë të tillë nga ana e Këshillit Drejtues të OMK-së u bë thirrje për bashkëpunim dhe përkrahje nga Odat e Profesionistëve Shëndetësor ku edhe ato ju bashkangjitën realizimit të këtij projekti monumental.
Ky projekt ka për qëllim ngritjen e një monumenti përkujtimor i cili me formën e tij do të simbolizojë qëndresën, kontributin dhe përkushtimin profesional të mantelbardhëve përgjatë dekadave.

Lokacionin në formë të ishullit, tek hyrja kryesore e Qendrës Klinike Universitare të Kosovës (QKUK), aprovuar nga ana e Kuvendit Komunat të Prishtinës, dëshirojmë ta shëndrrojmë në pikë referuese (landmark) të qytetit tonë.

Ndërtimi i një monumenti të tillë, me vlera artistike dhe arkitektonike, ka një kosto të lartë, që sjell me vehte edhe shpenzime të konsiderueshme në realizimin e tij, ndërtimin dhe mirëmbajtjen e saj.

Odat e profesionistëve shëndetësor kanë ndarë një pjesë të buxhetit për këtë monument përkujtimor, por duke marrë parasysh shpenzimet e larta, ne kemi nevojë për mbështetjen e partnerëve.

Të kontribuosh për punën dhe sakrificën e punëtorëve shëndetësor është nder për OPSh-të dhe kontributdhënësit e tjerë. Përkrahja juaj është mëse e nevojshme për ta realizuar këtë qëllim, bashkarisht.

Prandaj, shfrytëzojmë rastin të ju ftojmë ta mbështetni ndërtimin e këtij monumenti me interes publik duke dhënë donacione, mbështetje që do ti bëjë nderë çdo organizate.

Çdo donator, e gëzon të drejtën e plotë që të monitoroj shpenzimin e çdo qindarke për këtë projekt.

Shënim: Të gjithë emrat e donatorëve do të shpallen në Web faqet e Odave të Profesionistëve Shëndetësor dhe mediat e shkruara dhe ato elektronike.

Donacionet mund të dërgohen në llogarinë bankare:

Organizata: ODA E MJEKËVE TË KOSOVËS
Xhirollogaria Bankare: 1708017700029953
Emri i Bankës: NLB Banka

Për çfardo pyetje apo sqarim mund të na kontaktoni në 049 872 300 apo përmes email adresës: info@omk-rks.org