Sot me datë 24 Shtator 2018 Komisioni Parlamentar për Shëndetësi dhe Mirëqenie Sociale ka zhvilluar takim në të cilin ka ftuar Odat e Profesionistëve Shëndetësorë.

Në këtë takim, kryetarët para komisionit paraqitën punën e bërë deri më tani si dhe kërkuan mbështetje të komisionit për ta vazhduar punën më të mirë të punëtorëve shëndetësorë.

Kryetari I Odës së Mjekëve të Kosovës, Dr. Pleurat Sejdiu së bashku me nënkryetarët ishin prezent në këtë takim ku është biseduar gjendja në të cilën ishte pranuar Oda e Mjekëve nga kjo kryesi, gjendja në të cilën ka arritur tani, si dhe qëllimet që ka kjo Odë në të ardhmen.

Ndër të tjerash është biseduar edhe për bashkëpunimet e OMK me instituriconet tjera, po ashtu temë diskutimi ishte edhe zhvillimi dhe funksionalizimi i Odave të Profesionistëve Shëndetësorë, e në veçanti për Odën e Mjekëve, duke marrë parasysh stagnimin katër vjeçar që kishte kjo Odë.

Komisioni shprehi mbështetjen e punës së deritanishme dhe gatishmërinë për koordinim në të ardhmen.