Dr. Pleurat Sejdiu: 90% e mjekëve të gatshëm për të marrë vaksinën

Në programin e mëngjesit në A TV, ishte i ftuar Kryetari i Odës së Mjekëve Dr. Pleurat Sejdiu, ku foli për vaksinimin e mjekëve.

Si temë e nevojshme për tu diskutuar është parapa tema për hezitimin e vaksinimit nga ana e mjekëve sepse kjo ndikon pastaj edhe në publikun e gjerë negativisht. Oda e Mjekëve të Kosovës ka bërë një hulumtim rreth pranueshmërisë së vaksinave te mjekët, ku qëllimi i hulumtimit ka qenë caktimi i nivelit të pranueshmërisë apo refuzimit dhe faktorët që ndikojnë në të.

Dr. Pleurat Sejdiu:  4400 mjekë  të cilëve ju është dërguar pyetje e thjeshtë se a do të merrni vaksinën?, 50 % e anëtarëve na janë përgjigjur dhe 90% prej tyre janë përgjigjur duke thënë po ndërsa 6% jo, për arsye të tyre personale. Deri tani janë vaksionuar mbi 60%  mjekë.

E ftuar në studio ishte edhe Hana Xhemajli, specialiste për hulumtime të politikave globale shëndetësore ku tha se nuk është e arsyeshme që mjekët të mos marrin vaksinat sepse janë të parët që kanë kontakt me pacientët.

Edhe në Kuvendin e Kosovës u diskutua çështja e vaksinave dhe ne duhet të dimë kur vinë vaksinat tjera e jo detaje të kontratës sepse është cështje planifikimi, ndër të tjera tha Dr. Sejdiu.

Ndërsa sa i përket vlerësimit të diskutimit poashtu në Kuvendin e Kosovës rreth procesit të specializimeve, të dy mysafirët e ftuar në studio e kanë cilësuar si proces të kriminalizuar me pasoja afatgjate për sistemin e Shëndetësisë në Kosovë.