Dr. Lawrence Faulkner, ligjërues i ftuar në Kongresin e dytë të Mjekësisë – Onkologji

Dr. Lawrence Faulkner diplomoi në shkollën e mjekësisë,  në Universitetin e Firencës dhe u zhvendos në SHBA ku në vitin 1992 specializoi në lëminë  Hematologji Pediatrike- Onkologji, në qendrën e kancerit “Memorial Sloan Kettering” dhe në programin e kombinuar në spitalin e New York-ut – Universiteti “Cornell”. Ai u kthye në Itali, në vendin e tij dhe zhvilloi shërbimin e transplantit të palcës së eshtrave dhe mbështeti laboratorin në spitalin e fëmijëve, në Firencë (Meyer Hospital).

Që nga viti 2008, si drejtor mjekësor i Fondacionit Cure2Children, Dr. Faulkner aplikoi një platformë Cloud-Based për bashkëmenaxhimin online dhe on-site (me prezencë fizike) të fëmijëve që i nënshtrohen transplantit të palcës së eshtrave (BMT) në disa njësi fillestare anembanë nënkontinentit Indian dhe Lindjes së Mesme.

Dr. Faulkner ishte i përfshirë në rreth 700 transplante, kryesisht në pacientët me talasemi, në trajnimin dhe mbikëqyrjen e ekipeve lokale të mjekëve, pa ose me pak eksperiencw, BMT, tw mwparshme .

Dr. Faulkner ka botuar në revista ndërkombëtare. Në shkurt të vitit 2021 ai mori çmimin e Shërbimit të Shquar nga Qendra ndërkombtare e transplantit të gjakut dhe palcës. Ai aktualisht kryeson nënkomitetin e grupit punues të sëmundjeve pediatrike, të grupit evropian, të transplantimit të gjakut dhe palcës.