Dr. Flaka Demaj dhe Dr. Shkelzen Elezaj – PËRVOJAT TONA NË TRAJTIMIN E STRES INKONTINENCËS URINARE ME NDIHMËN E RRJETËS TRASDOBTURATORO- VAGINALE

“Inkontinenca urinare nga stresi është një gjendje mjaft e shpeshtë që karaterizohet me rrjedhje të papritur dhe të pavullnetshme të urinës gjatë aktiviteteve që rrisin presionin intra-abdominal, të tilla si: e qeshura, teshtitja, kollitja ose stërvitja. Stres inkontinenca urinare është një patologji më e shpeshtë tek femrat sesa tek meshkujt. Në bazë të të dhënave statistikore prevalenca e inkontinencës urinare rritet me moshën, duke arritur deri 50% të femrave mbi moshën 40 vjeçare. Metodat bashkëkohore për zgjidhjen e problemit të stres inkontinencës është vendosja e rrjetës retropubike ose transobturatore. Ne kemi praktikuar qasjen transobturatore. Në periudhën kohore prej 01.01.2024 deri më 31.12.2023 kemi trajtuar gjithsej 152 paciente. Mosha mesatare ka qenë 58 vjeç (32-79 vjeç), prej 152 rasteve të trajtuara, 147 (96.7%) kanë qenë kontinente pas intervenimit, te pesë raste (3.3%) ka persistuar inkontinenca, te gjashtë raste (3.9%) kemi pasur mbetje të urinës reziduale që është tërhequr brenda disa javësh, te njëra (0.7%) kemi pasur erozion të murit vaginal me ç’rast kemi riintervenuar pas 2 javësh. Te 20 raste (13.1%) kemi korrigjuar njëkohësisht cistorektocellën, 26 raste (17.1%) kanë qenë me inkontinencë complete, tetë raste (5.2%) kanë qenë paciente të trajtuara në qendra tjera (dy prej tyre me konkrement në rrjetë, njëra me erozion të murit të vaginës dhe pesë raste kanë qenë inkontinente).

Revista Mjeku, Vëllimi 4, Numër 4; Përvojat tona në trajtimin e stres inkontinencës urinare me ndihmën e rrjetës trasdobturatoro- Vaginale, artikull nga Dr. Dlaka Demaj dhe Dr. Shkelzen Elezaj.

Ju ftojmë ta lexoni artikullin e plotë: