Dr. Ernesë Gjafa- Ligjëruese e ftuar në Kongresin e dytë të mjekësisë, Onkologji
06 Tetor 2021Dr. Ernesë Gjafa, Konsulente mjekësore e Onkologjisë
Dr. Ernesë ka përfunduar studimet mjekësore në Universitetin e Prishtinës, gjithashtu posedon një diplomë të Bachelorit në drejtimin e shkencave dhe një diplomë doktorature në fushën e Pediatrisë nga Universiteti “College London” (UCL).
Dr. Gjafa filloi trajnimin pasuniversitar mjekësor në “Oxford Deanery” dhe njëkohësisht e ndiqte Trajnimin Mjekësor Qendror, në UCLH, në Londër.
Gjatë trajnimit special në Onkologjinë Klinike dhe më vonë në Onkologjinë Mjekësore, ajo u kthye në shumë qendra Akademike si NHS Trust, UCLH Trust, Qendra e sëmundjeve të kancerit “Mount Vernon” dhe spitalit “St. Bartholomew”, ku mori çertifikatë në Onklologji dhe përfundoi studimet pasuniversitare në Institutin e kërkimit të kancerit (ICR), Londër për mjekësi.
Dr. Ernesë aktualisht punon në Onkologji si konsulente me specifikë kancerin e gjirin dhe të mushkërive, në Qendrën e sëmundjeve të kancerit “Mount Vernon”.
Bagazhi i saj profesional përfshin pjesëmarrje në sprovat klinike dhe shumë publikime në revista, të vlerësimit të kolegëve.
Dr. Gjafa vazhdon të mbajë lidhje dhe bashkëpunime të ngushta me Kosovën dhe ka ndihmuar në menaxhimin e shumë pacientëve në atdheun e saj.
