Dr. Edmond Haliti- PAJISJET E IMPLANTUESHME ELEKTRONIKE TË ZEMRËS

Dr. Edmond Haliti- PAJISJET E IMPLANTUESHME ELEKTRONIKE TË ZEMRËS

“Me termin e përbashkët pajisje të implantueshme elektronike të zemrës (ang. electronic cardiac devices) përfshihen një grup gjithnjë e më i avancuar i pajisjeve elektronike të cilat shërbejnë për diagnostikimin dhe/ose trajtimin e çrregullimeve të ritmit dhe përçimit, madje edhe trajtim bashkëkohor mbështetës të pamjaftueshmërisë së zemrës. Porotip i këtij grupi është hapëshënuesi artificial i zemrës (ang. pacemaker) i cili ka veprim anti-bradikardik, duke përkrahur ose zëvendësuar funksionin e sistemit konduktor të zemrës kur kjo është e nevojshme. Vitet e fundit këto pajisje janë pasuruar me funksione shtesë që kryesisht konsistojnë në regjistrimin dhe identifikimin më efikas të ritmit intrinsik të pacientit (ang. sensing properties), hapëshënim sa më fiziologjik dhe racional (ang. physiologic pacing) duke iu përshtatur nevojave të pacientit (ang. rate responsive pacing), monitorim të takikaritmive të ndryshme dhe trajtimin e disa prej tyre me mekanizmin anti-takikardik (ang. overdrive pacing), defibrilimin jetëshpëtues dhe resinkronizimin elektrik të dy ventrikujve (ang. resynchronization). Meqenëse çrregullimet e ritmit janë shkaktari më i shpeshtë direkt i vdekjes së papritur kardiake (ang. sudden cardiac death) dhe komplikimi më i shpesht fatal i sëmundjeve akute dhe kronike të zemrës, kjo fushë ka nxitur interesimin e ekspertëve të ritmologjisë dhe bioinxhinierisë për t’i shtyer drejt sukseseve të konsiderueshme në këtë drejtim. Pikërisht për këtë, shoqatat më relevante botërore si Shoqata e Kardiologëve të Evropës (European Society of Cardiology – ESC), Shoqata Evropiane e Ritmit të Zemrës (European Heart Rhythm Association – EHRA), Shoqata Amerikane e Zemrës (American Heart Association – AH) dhe Kolegji Amerikan i Kardiologjisë (American College of Cardiology – ACC) vazhdojnë të kontribuojnë fuqishëm duke përkrahur studimet në këtë fushë specifike, hartimin dhe përditësimin e udhërrëfyesve klinik, si dhe trajnimin e mjekëve të rinjë.”

Revista Mjeku, Vëllimi 2, Numri 1, Pajisjet e implantueshme elektronike të zemrës, artikull nga Dr. Edmond Haliti

Ju ftojmë ta lexoni artikullin e plotë:

Revista Mjeku – Sëmundjet Kardiovaskulare.-23