Dr. ALBERINA KRASNIQI – EFEKTET E METFORMINËS NË PREVENCËN DHE TRAJTIMIN E KANCERIT

Efektet e Metforminës në Prevencën dhe Trajtimin e Kancerit- Dr. Alberina Krasniqi

“Kanceri është sëmundje në të cilën kemi ndarje të pakontrolluar, rritje abnormale të qelizave si dhe pushtim të indeve të shëndosha nga këto qeliza çfarë edhe e bënë sëmundje shumë vdekjeprurëse, ku vlerësohet se afërsisht një në gjashtë njerëz vdesin nga kanceri, në të gjithë botën. Për shkak të karakteristikave të tij dhe zbulimit të shpeshtë në fazë terminale, përkundër trajtimeve të shumta, beteja në luftën kundër kancerit është jo rrallë e humbur. Metformina, një bar tashmë i njohur dhe i përshkruar si zgjedhje e parë në diabetin melit tip 2, si dhe në sindromën policistike të ovareve, ka marrë vëmendje edhe më të madhe pasi i vërejt një lidhje mes përdorimit të saj dhe zvogëlimit të incidencës dhe mortalitetit të kancerit.  Historia e saj e gjatë në përdorimin klinik e mundësoi të jetë një kandidate e shkëlqyer për ripropozim të saj për prevencë dhe trajtim të kancerit. Ripropozimi është një inovacion në farmakologjinë klinike për shkak që njohja e mekanizmit dhe sigurisë së barnave të vjetra kanë përparsi në koston më të ulët të kërkimeve shkencore dhe barnat mund të hyjnë në studime klinike më shpejt. Kjo është edhe një prej arsyeve pse i është dhënë vëmendje e madhe metforminës në fushën e kancerit.”

Revista Mjeku, Vëllimi 1, Numri 2: Efektet e Metforminës në Prevencën dhe Trajtimin e Kancerit , artikull nga Dr. Alberina Krasniqi

Ju ftojmë ta lexoni artikullin e plotë:

Revista-Mjeku-Vëllimi-1-Numri-2-Onkologjia-1-53-55