Dr. Alban Ylli Dr. Sci – Ligjërues në Kongresin e III-të të Mjekësisë, me temën Pandemia Covid-19 – Sfidat dhe Përvojat.

Dr. Alban Ylli Dr. Sci – Ligjërues në Kongresin e III-të të Mjekësisë, me temën Pandemia Covid-19 – Sfidat dhe Përvojat.

Ka mbaruar Fakultetin e Mjekësisë, në Universitetin e Tiranës, më 1992. Dr. Alban Ylli ka një  Master në epidemiologjinë e shërbimeve shëndetësore nga Universiteti Tor Vergata në Romë (1994-95) dhe ka studiuar për dy vjet parandalimin e sëmundjeve, në Spitalin Universitar të Gjenevës (1995-96) dhe Universiteti i Oksfordit (1999-2000). Ai ka një diplomë doktorature nga Universiteti i Tiranës dhe titullin Profesor i Asociuar nga Universiteti Mjekësor, Tiranë.

Dr. Alban Ylli ka qenë zëvendësdrejtor (2000-2004) dhe më vonë drejtor ekzekutiv (2007-2010) i Institutit të Shëndetit Publik. Ka drejtuar prej vitit 2010 sektorin e kërkimit të politikave mbi sëmundjet jo të transmetueshme dhe prej 2018 departamentin e përformancës së shëndetit publik dhe SJT në ISHP. Ai është pedagog i disa lëndëve  mbi epidemiologjinë e sëmundjeve kronike, politikave shëndetësore, dhe kujdesit për të moshuarit në Fakultetin e Mjekësisë në Tiranë.
Përvoja e tij përfshin hetimin e disa situatave epidemike, si dhe studim dhe menaxhim programesh në një sërë fushash të shëndetit publik, në nivel kombëtar dhe ndërkombëtar.

Dr. Alban Ylli është anëtar i përjetshëm i dhomës së mesme së Magdalene College (Universiteti i Oksfordit), anëtar i bordit të redaktoreve të ‘Eurosurveillance’ (ECDC-EU), anëtar i bordit të Journal of Natural and Technical Sciences (Akademia e Shkencave) sekretar i përgjithshëm i Shoqatës Shqiptare të Geriatrisë dhe Gerontologisë dhe anëtar i disa shoqatave, rrjeteve apo bordeve të tjera në Shqipëri dhe jashtë saj.
Dr. Alban Ylli ka botuar mbi 40 punime origjinale në revista ndërkombëtare, një numër manualesh për profesionistët e shëndetit dhe ka përgatitur mbi 30 raporte studimore shkencore. Gjithashtu ka prezantuar në mbi 65 konferenca shkencore ndërkombëtare.