Covid-19: Italia merr masa disiplinore ndaj mjekëve që propagandojnë kundër vaksinimit

Oda e Mjekëve të Kosovës ju bënë apel mjekëve të kenë kujdes në mos krijimin e panikës duke dezinfomuar qytetarët me informata dhe deklarata rreth vaksinimit që nuk kanë bazë shkencore.  Përhapja e informatave të pa vërtetuara me shkencë bie në kundërshtim me kodin e etikës dhe deontologjisë mjekësore, veprimet e tilla do të sanksionohen.

Më poshtë mund ta lexoni artikullin rreth propagandës që po bëhet kundër vaksinimit nga mjekët në Itali dhe masat e marra kundër tyre.

Covid-19: Italia merr masa disiplinore ndaj mjekëve që propagandojnë kundër vaksinimit

Asociacioni i mjekëve italian ka tërhequr vrejtje apo marr masa disiplinore kundër 10 mjekëve për promovim të propagandës anti-vaksinim, gjithashtu ky asociacion po shqyrton sanksione ndaj tre mjekëve tjerë të cilët akuzohen për zvogëlimin e rëndësisë së Covid-19

E gjithë kjo propagandë po ndodhë kur shqetësimi është në rritje ndaj skepticizmit të qytetarëve mbi vaksinat e Covid-19, e cila propagandë mund të dëmtojë luftën e Evropës kundër pandemisë së koronavirusit.

Presidenti i Urdhrit të Mjekëve të Romës, Antonio Magi, tha se hetimet kundër 10 mjekëve të akuzuar për kritika të pajustifikueshme ndaj vaksinimeve kanë përfunduar. Mjekëve ju janë shqiptuar dënime që variojnë nga tërheqja e vërejtjes deri në pezullime dy muaj nga ushtrimi i profesionit, kurse për tre mjekë tjerë hetimet janë duke vazhduar. Procedurat disiplinore u pasuan me ankesa nga qytetarët dhe nga mjekët tjerë.

Komisioni i posaçëm i Urdhrit të Mjekëve do t’ju kërkoj të tre mjekëve që janë nën hetim të justifikojnë pretendimet që ata kanë bërë në internet, në televizion dhe në radio.

Dr. Mariano Amici është njëri nga këta tre mjekë, i cili e praktikon profesionin në qytetin Ardea, 30 km në jug të Romës. Dr. Amici e përshkruan veten si praktikues i mjekësisë së përgjithshme. Ai thotë se nuk është kundër vaksinimeve në përgjethsi, por ka disa dyshime për vaksinën Pfizer-BioNtech që po ju jepet qytetarëve në Itali. Në faqen e tij të internetit ai thotë se është “në mëdyshje” për rreziqet shëndetësore nga vaksinat e tilla si mRNA, prandaj pyet nëse këto vaksina janë të përshtatshme për luftimin e një sëmundjeje për të cilën ai pretendon se ka një normë vdekjeje prej vetëm 1 në 2000 persona1. Shumica e vlerësimeve thonë se niveli i vdekshmërisë është 10 herë më i lartë

Pavarësisht që po ndodhin hetimeve kundër tij, Dr. Amici ka vazhduar të bëjë deklarata të pabazuara. Javën e kaluar ai deklaroi se “Varianti anglisht i Covidit që po shkakton kaq shumë shqetësim në këtë moment konfirmon atë për të cilën kam argumentuar për muaj të tërë: vaksina për një virus që tashmë ka ndryshuar kaq shumë herë, rrezikon të jetë vaksinë joefektive dhe madje e rrezikshëme.”

Kuptimi shkencor

Një organizatë tjetër mjekësore, Federata Italiane e Shoqatave Profesionale Mjekësore (FNOMCEO), ka shprehur shqetësim për mjekët që nuk pranojnë të vaksinohen.

Presidenti i FNOMCEO, Filippo Anelli, tha per mediat italiane se rreth 100 mjekë nuk janë të gatshëm të marrin imunizimin, duke shtuar se skepticizmi që kanë mjekët për vaksinën është “në mos përputhje me profesionin sepse mohon provat shkencore”.

Pierpaolo Sileri, zëvendës ministri i shëndetësisë në Itali dhe profesor i kirurgjisë, kritikon kolegët e tij të cilët janë skeptik të vaksinës. “Jam në mëdyshje kur dëgjoj kolegë mjekë ose infermierë që hezitojnë të marrin vaksinën,” tha ai. “Mund ta kuptoj nëse ky skepticizëm vjen nga qytetarët që ndoshta nuk kanë përgatitje shkencore. . . por sinqerisht, unë mendoj se ata mjekë dhe infermierë, që ende dyshojnë pasi kanë parë gjithçka që ka ndodhur gjatë kësaj kohe, ndoshta janë në profesionin e gabuar. ”

Udhëheqësit e BE janë të shqetësuar se mendimet anti-vaksinuese mund të minimizojnë seriozisht përpjekjet e të gjithëve për të mposhtur Covid-19. Në disa shtete, përfshirë Italinë, Gjermaninë, Spanjën dhe Suedinë, skepticizmi publik mbi vaksinat Covid-19 mendohet të jetë i lartë.

Në Francë, sondazhi i fundit mujor nga CoviPrev për Santé Publique France (agjencia e shëndetit publik) zbuloi se vetëm 40% e të anketuarve thanë se do të konsideronin të vaksinoheshin, ku nga ata, vetëm 13% thanë se ishin “të sigurt” për të marrë atë2.

Ndërkohë, autoritetet spanjolle kanë thënë se do të përpilojnë një regjistër të njerëzve që refuzojnë vaksinat e Covid-19, ku edhe do ta ndajnë këtë regjistër me vendet e tjera të BE-së. Ministri i shëndetësisë i Spanjës, Salvador Illa, tha se regjistri nuk do të jetë publik dhe siguron që regjistri do të përpilohet duke “respektuar në plotësi” privatësisë e qytetarëve.

Referencat

1. ↵

Official website of Mariano Amici. https://www.marianoamici.com/?s=vaccini. (In Italian; translatable to English.)

1. ↵

Santé Publique France. Covid-19 epidemiological point of December 24, 2020: the epidemic is not weakening, barrier gestures must be better respected during the holidays. Updated 25 Dec 2020. https://www.santepubliquefrance.fr/presse/2020/point-epidemiologique-covid-19-du-24-decembre-2020-l-epidemie-ne-faiblit-pas-les-gestes-barrieres-doivent-etre-mieux-respectes-a-l-occasion-des. (In French; translatable to English.)