Bursa për Shkollën Verore të Shëndetit Publik në Lugano

Të nderuar anëtarë të OMK-së, në emër të Projektit AQH, ju informojmë për mundësinë e pjesëmarrjes në Shkollën prestigjioze Verore të Shëndetit Publik në Lugano.

Këtë vit, Swiss Plexus do të sigurojë bursa për pjesëmarrje online ose fizike në edicionin e 31-të të Shkollës Verore të Shëndetit Publik, Ekonomisë dhe Menaxhimit (SSPH + Lugano Summer School in Public Health Policy, Economics, and Management). Ata që duan të marrin pjesë, duhet ta plotësojnë aplikacionin (një CV me detajet e edukimit dhe sfondit profesional, një letër motivuese, pritjet mbi impaktin, detaje për përzgjedhjen e kurseve që doni t’i ndiqni). Afati i fundit për aplikim është data 2 Maj 2022.

Swiss Plexus ndërlidh profesionistët shëndetësorë, politikbërësit, studentët dhe hulumtuesit me mundësi trajnimi nga anëtarët e institucionevve të Shkollës Zvicerane të Shëndetit Publik (SSPH+). Mbështetet nga disa organizata, përfshirë Agjencinë Zvicerane për Zhvillim dhe Bashkëpunim (SDC), Zyrën Federale të Ambientit etj.

Nëse jeni të interesuar për bursë, gjeni më poshtë informacionet e detajuara:

Data: E hënë – E shtunë, 22 – 27 Gusht, me pre-kursin online më 16 & 18 Gusht.

Çka ofrohet: 13 kurse (1 deri në 3 ditore), 2 pre-kurse, 7 sesione plenare, aktivitete sociale & etj.

Formati: Mund të lidheni online nga çdo vend i botës, ose të jeni prezent fizikisht në Lugano.

Programi: Ju lutem shiheni web faqen e SSPH+ Lugano Summer School. (https://www.ssph-lugano-summerschool.ch/)

Regjistrimi: Regjistrimi është hapur dhe mbetet i hapur deri më 17 Korrik, 2022.

Bursat: Afati për aplikim është 2 Maj, 2022. Për më shumë informacione, ju lutem shtypni linkun e mëposhtëm për ta shkarkuar dosjen PDF. (https://uploads-ssl.webflow.com/…/622f07d46eaff95b69873…)

Nëse keni pyetje shtesë, mos hezitoni të kontaktoni projektin AQH. Ju lutemi që pas aplikimit, të na informoni.

Ju dëshirojmë shumë fat në aplikim!