Afati i fundit për dërgimin e ofertave për sponzorizim dhe ekspozim të Kongresit të III të Mjekësisë – Pandemia COVID-19, Sfidat dhe Përvojat

Përmes këtij njoftimi, dëshirojmë të ju informojmë se data 18 Prill 2022 është afati i fundit për dërgimin e ofertave për sponzorizim dhe ekspozim të Kongresit të III të Mjekësisë – Pandemia COVID-19, Sfidat dhe Përvojat, i cili do të mbahet me 02-04 Qershor 2022, në Hotel Emerald në Prishtinë.

Ky është edicioni i tretë i Kongresit dhe Panairit Mjekësor, i cili ofron një platformë të rrjetëzimit për të gjitha kompanitë që ofrojnë shërbime, produkte dhe paisje mjekësore, agjencitë qeveritare, donatorët dhe të gjithë akterët relevant të komunitetit mjekësor.

Kompanitë do të shfaqin produktet dhe shërbimet e tyre në Pavionin Mjekësor dhe gjithashtu do të mbahen edhe Sesione të Punëtorive lidhur me produkte të ekspozuara gjatë panairit. Ekspertë ndërkombëtarë dhe vendor do të prezantojnë në Kongres punimet dhe ligjeratat e tyre mbi të arriturat e fundit në lëmin e shkencave mjekësore. Në këtë aktivitet, pritet të ketë deri në 3000 pjesëmarrës.

Prandaj, shfrytëzojmë rastin të ju ftojmë të paraqitni ofertën e juaj për të qenë pjesë e Kongresit të III të Mjekësisë. Përfitimi juaj për t’u bërë pjesë e këtij aktiviteti ndihmon në rritjen e vetëdijes për rëndësinë dhe vlerën e shërbimit apo produktit tuaj, ngritjen e imazhit të institucionit tuaj dhe rrjetizimin e komunitetit mjekësor në përgjithësi.

Shënim: Do të ketë vetëm një (1) sponsor të Artë dhe tre (3) sponzor të Argjendtë të cilët do të përzgjedhën sipas ofertës më të lartë.

Ofertat për spozorizim duhet të sillen fizikisht në zyret e odës, jo më larg se 18 Prill 2022.

Përveç ofertës për sponzirizim, kompanitë mund të shfaqin produktet dhe shërbimet e tyre në Pavionin Mjekësor. Çmimi për m² i hapësirës së ekspozimit është 100€ ku hapësirat ekspozuese janë të limituara dhe do të ofrohen në tre opcione:

1) 7.5 m2

2) 10 m2

3) 15 m2

Në panairin e parë mjekësor të organizuar nga Oda e Mjekëve, 24 kompani kanë dhënë vlerisimet më të larta për pjesëmarrjen në Panair, prandaj ju ftojmë për të aplikuar si ekspozues në Kongresin dhe Panairin e III të Mjekësisë. Aplikimi mund tëbëhet duke dërguar apo sjellur ofertat interesim, ku do e cekni edhe preferencën e juaj për hapësirën ekspozuese sipas opcioneve të lartë përmendura.

Për më shumë mund të na kontaktoni ne numër 049 872 300 apo të vini në zyret tona në adresën QKUK, Instituti A, Kati i III, 10 000 – Prishtinë.

Letër interesimi për pjesëmarrje në panair dërgohen në email adresën: kongresi.covid19@omk-rks.org, jo më larg se 18 Prill 2022.