Mbahet pjesa praktike e trajimit për Ekokardiografisë Transesofageale

Për herë të parë, në Spitalin e Përgjithshëm të Prizrenit është realizuar procedura diagnostike me ekokardiografi transesofageale (TEE).

Nën organizimin e Odës së Mjekëve të Kosovës, SonoKos ka zhvilluar trajnimin praktik në Spitalin e Prizrenit bashkë me mjekët kardiologë nga ky spital, nën mentorimin e Prof. Dr. Aurora Bakalli.

Në këtë trajnim u prezentua në praktikë puna me ultrazë përmes sondës TEE, manovrimi me sondë dhe protokollet diagnostike të kësaj metode.

Pjesa praktike është në qendër të këtij trajnimi, teksa të gjithë pjesëmarrësit kanë mundësinë ta realizojnë vetë njohuritë e përfituara nga trajnimi.

Organizimi i trajnimeve për mjekët e Spitalit të Përgjithshëm të Gjilanit dhe Prizrenit vijnë si rezultat i zbatimit të aktiviteteve të Marrëveshjes së Delegimit për Fonde dhe Zbatim (MDZF) ndërmjet Odës së Mjekëve të Kosovës dhe LuxDev.