Shpërndahen licencat e para nga OMK, rezultatet e anketës “Dhuna ndaj mjekut”
04 Qershorë 2018
Kryetari i OMK-së, dr. Pleurat Sejdiu mr.sci në një ceremoni të mbajtur në hapësirat e Telemedicinës, sot bëri shpërndarjen e licencave të para që nga bartja e kompetencave publike nga Ministria e Shëndetësisë.
Shpërndarja iu bë tetëmbëdhjetë mjekëve-anëtarë të OMK-së, të cilët kanë aplikuar tek Oda për t’u pajisur me Licencë pune.
Kryetari dr. Sejdiu duke i falemnderuar për pjesëmarrje në event të gjithë të pranishmit, ai gjithashtu theksoi se tani e tutje procedura e licencimit në OMK nuk do të zgjasë më tepër se dy javë.
Pas shpërndarjes së licencave, tutje u vazhdua me prezentimin e anketës “Dhuna ndaj mjekut”, ku u ngritën çështja e sigurisë së mjekëve në vendin e punës, sulmet verbale/fizike të ushtruara ndaj mjekëve në institucionet shëndetësore, raportimet e këtyre sulmeve tek organet kompetente dhe gjithashtu mbajtja e trajnimeve lidhur ne menagjimin e këtyre situatave.
Kryetari poashtu theksoi se përveq kësaj ankete OMK planifikon organizimin e dy anketave tjera: kujdesi dhe qasja e mjekut ndaj pacientit së bashku me PRAK (Shoqata për mbrojtjen e të drejtave të pacientëve në Kosovë) dhe Percepcioni I mjekut mbi raportimet e mediave për mjekët.
