Mbahet Mbledhja e Shoqatës Botërore të Mjekëve dhe 75 vjetori i Shoqatës Gjermane së Mjekëve.

Me ftesën e Kryetarit të Odës Gjermane të mjekëve, në 75 vjetorin e themelimit të saj po merr pjesë kryetari i Odës së Mjekëve Dr. Pleurat Sejdiu.

Këto dy aktivitete të rëndësishme po mbahen në Berlin njëkohësisht dhe pjesëmarrës do të jenë Kryetarja e Shoqatës botërore mjekësore, kryetari i Shoqatës Gjermane së Mjekëve, kryetari i Odës së Mjekëve dhe përfaqësues të tjerë të rëndësishëm për mjekësinë në nivel botëror.

Në 75 vjetorin e Shoqatës Gjermane, Dr. Pleurat Sejdiu shprehu falënderimin për përkrahjen e vazhdueshme të Odës së Mjekëve të Kosovës, nga Shoqata e Gjermane e Mjekëve. Përkrahje kjo duke filluar nga ofrimi i ekpertizës në procesin e hartimit të ligjit për Odat e Profesionistëve Shëndetësor dhe si promotori kryesor gjatë anëtarësimit në CPME, me ç’rast u shënua edhe prania e parë Ndërkombëtare e Odës së Mjekëve si organizatë e pavarur.