Hapja solemne e Kongresit të Dytë Klinik

Hapja solemne e Kongresit të Dytë Klinik e organizuar nga Oda e Mjekëve të Kosovës dhe Kolegji i Kirurgëve të Kosovës.

Të pranishëm në këtë organizim ishin Kryeministri i Republikës së Kosovës, Albin Kurti, Ministri i Shëndetësisë, Dr. Rifat Latifi, kryetari i Odës së Mjekëve, Dr. Pleurat Sejdiu, Kirurgë vendor e të huaj dhe përfaqësues të institucioneve të ndryshme relevante.

Ministri i Shendëtësisë, Dr. Rifat Latifi falënderoi pjesëmarrëit dhe organizatorët për organizimin e Kongresit të dytë Klinik. Ai shpjegoi se janë 750 pjesëmarrës në total, 120 ligjërues dhe 57 nga këta janë ligjërues të huaj. Poashtu dha lajmin se Kirurgjia e Kosovës përmes Kolegjit të Kirurgëve amerikan në San Diego, do të marrë pjesë në skenën më të madhe të Kirurgjisë në botë.

Kryeministri i Republikës së Kosovës, Albin Kurti në një fjalim rasti  i përgëzoi dhe uroi punime të mbara të Kongresit të dytë Klinik dhe falënderoi Kirurgët e huaj për kontributin e tyre, gjithashtu kërkoi nga ata që të kthehen në vendin tonë për të punuar.

Kryetari i Odës së Mjekëve të Kosovës, Dr. Pleurat Sejdiu tha se është koha ti stimulojmë mjekët e rinjë edhe financiarisht, ndërkohë që bashkë me Kolegjin  Kirurgëve dhe Ministrinë e Shëndetësisë duhet ta ringjallim këtë temë, por kjo nuk mund të bëhet pa ndihmën e Qeverisë së Republikës së Kosovës.

Në këtë ngjarje u ndanë 4 çmime për Arritje Jetësore, u bë prezantimi i Anëtarëve Ndërkombëtarë të Nderit të Kolegjit të Kirurgëve, u nda çmimi “Udhëheqja përmes Shembullit”,  “Publikimi dhe Inovacioni i Vitit”, “Specializante e Dalluar” dhe çmimi për Partneritet të Shkëlqyer.

Me çmimin “Partneritet të Shkëlqyer” u nderua kryetari i Odës së Mjekëve, Dr. Pleurat Sejdiu.

Gjithashtu u shpallën ligjërata e emërtuara dhe u bë prazantimi i anëtarëve të rinjë të Kolegjit të Kirurgëve të Kosovës (leximi i betimit).