Kryetari i Odës së Mjekëve, Dr. Pleurat Sejdiu dhe nënkryetari, Dr. Rrezart Halili marrin pjesë në Simpoziumin e 29 të ZEVA-së

Kryetari i Odës së Mjekëve të Kosovës, Dr. Pleurat Sejdiu dhe nënkryetari, Dr. Rrezart Halili po marrin pjesë në takimin e përvitshëm të Odave të Mjekëve të Evropës Qendrore dhe Lindore, simpoziumi i 29-të i ZEVA-së.

Odës së Mjekëve të Kosovës i është bërë ftesë nga Oda e Mjekëve të Kroacisë e cila është organizatore e takimit të sivjetshëm.
Si çështje diskutimi gjatë takimit do të jenë temat lidhur me Karakteristikat kryesore të procedurave disiplinore në Odë, Apeli i ndërgjegjes dhe Kodi Etik Ndërkombëtar të Mjekësisë dhe Sfidat aktuale në sistemin spitalor, ku pjesë e këtyre diskutimeve është edhe Dr. Pleurat Sejdiu në prezantimin e raporteve rreth këtyre temave.

Ky simpozium do zgjasë nga 8 deri më 10 shtator ku do të jenë të pranishëm edhe shumë përfaqësues të rëndësishëm të odave simotra Evropiane.