Prof. Dr. Amulya Saxena, ligjërues i ftuar në konferencën e Kirurgjisë Minimale Invazive dhe Urologjisë së Fëmijëve

Kemi nderin të prezantojmë biografinë e shkurtë të Prof. Dr. Amulya Saxena, një nga ligjëruesit e ftuar në konferencën e Kirurgjisë Minimale Invazive dhe Urologjisë së Fëmijëve, e cila do të mbahet me 13 dhe 14 shtator 2022 në Hotel Emerald.

Prof. Dr. Amulya Saxena është President i Shoqatës Evropiane të Kirurgëve Pediatër (EUPSA), Konsulent kirurg Neonatal dhe kirurg Pediatrik në Spitalin e Fëmijëve në Londër. Prof. Saxena është kryeredaktor i Journal of Pediatric Endoscopic Surgery.

Prof. Saxena studioi për Kirurgjinë Pediatrike dhe Neonatale në Gjermani dhe fitoi përvojë pune në qendrat kryesore mjekësore evropiane dhe amerikane. Për një kohë ishte studiues në Harvard përkatësisht në Spitalin e Fëmijëve të Bostonit.Gjithashtu fitoi përvojë të mëtejshme në Kirurgjinë Pediatrike në Children’s Mercy Hospital, Universiteti i Misurit, SHBA, Spitalin 12 de Octubre, Universidad Complutense, Madrid, Spanjë, Spitalin e Fëmijëve Cincinnati, Universiteti i Cincinnati, Cincinnati, SHBA dhe Shkolla Mjekësore e Universitetit Juntendo, Tokio, Japoni.

Prof. Saxena ka fituar çmime prestigjioze evropiane dhe ndërkombëtare për kontributin e tij në kirurgjinë pediatrike. Ai ka paraqitur mbi 450 studime në Konferencën Ndërkombëtare të Kirurgjisë, ka shkruar mbi 200 artikuj, ka shkruar mbi 75 kapituj librash dhe ka organizuar mbi 60 kongrese, seminare dhe puntori.

Prof.Saxena është gjithashtu anëtar aktiv në disa shoqata profesionale, duke përfshirë: Shoqatën Evropiane të Kirurgëve Pediatrik (EUPSA), Shoqatën Evropiane për Kirurgjinë Endoskopike Pediatrike (ESPES), Shoqatën Britanike të Kirurgëve Pediatrikë (BAPS), Shoqatën Britanike të Kirurgëve Endoskopikë Pediatrik (BAPES), Shoqata Austriake e Kirurgjisë Pediatrike (ÖGKCH) dhe Shoqata Ndërkombëtare për Kujdesin e Plagëve Pediatrike (ISPeW).