Çështja e largimit të mjekëve nga Kosova

Largimin e mjekëve nga Kosova OMK e sheh si fakt shqetësues meqenëse largimi i kuadrove të reja shëndetësore do ta dëmtonte sektorin e shëndetësisë në vendin tonë.

Fakti që në Odën e Mjekëve të Kosovës bëhen kërkesa të shumta për të marrë certifikatën për të kaluarën e pastër etiko-profesionale, sidomos nga mjekët e rinjë, lë hapësirë për shqetësim se këta mjek do të largohen nga Kosova, me qëllim të punësimit  jashtë vendit. Kjo po ndodh pikërisht për shkak të pamundësisë të punësimit në institucionet shëndetësore, pas përfundimit të studimeve dhe specializimit.

Oda e mjekëve të Kosovës shpreson se rastet e largimit të mjekëve nga Kosova të jenë sa më të vogla dhe që mjekëve, respektivisht anëtarëve të OMK-së t’iu ofrohen mundësitë për punësim dhe të mos detyrohen që çështjen e punësimit si profesionist shëndetësor ta kërkojnë jashtë vendit, por tu jepet mundësia e ushtrimit të profesionit brenda vendit duke iu ofruar kushte dhe paga të dinjitetshme.