HAPJA SOLEMNE E KONGRESIT TË III-të TË MJEKËSISË

Në këtë ceremoni të pranishëm ishin Ministri i Shëndetësisë, Prof.Dr. Rifat Latifi, kryetari i Odës së Mjekëve, Dr. Pleurat Sejdiu, Këshilltari politik i zyrës së Kryeminstrit, Z. Jusuf Ulaj, Kryetar i Këshillit Shkencor, Prof.Dr. Salih Ahmeti si dhe përfaqësues të ndryshëm të institucioneve relevante në Republikën e Kosovës dhe ligjërues të huaj e vendor.

Kryetari i Odës së Mjekëve, Dr. Pleurat Sejdiu tha se organizimi i Kongreseve tashmë është bërë i përvitshëm dhe se do vazhdoj të mbetet i tillë, gjithashtu falënderoj mysafirët për pjesëmarrje dhe shpalli të hapur Kongresin e III-të vjetor të OMK-së.

Ministri i Shëndetësisë, Prof.Dr. Rifat Latifi tha se ka qenë pjesëmarrës në Kongresin e parë të organizuar nga OMK dhe se ky Kongres është një dritare e bashkëpunimit dhe eksperiencave.

Falënderoi në veçanti OMK-në dhe kryetarin e OMK-së, Dr. Pleurat Sejdiun, për organizimin e këtij Kongresi.

Fjalë rasti mbajti edhe Prof. Dr. Salih Ahmeti ku falënderoi OMK-në dhe tregoi se pjesëmarrës në këtë Kongres do të jenë 2400 mjekë.

Prof.Dr. Salih Ahmeti tha se kemi rrëfime të shumta, shumicën e rasteve të dhimbshme e të prekshme, por rrëfimi më i dhimshëm është humbja e kolegëve tanë nga COVID-19. “Dhimbjen ndaj tyre ta shndërrojmë në energji për punë.”

Gjithashtu fjalë rasti mbajtën edhe Drejtor i IKSHPK-së, Prof. Dr. Naser Ramadani, Këshilltari politik i zyrës së Kryeminstrit, Z. Jusuf Ulaj, Prorektori i Universitetit të Prishtinës, Prof. Ass. Dr. Elton Bahtiri, Dekani i Fakultetit të Mjekësisë, Universiteti i Tiranës, Prof. Dr. Xheladin Drançini ku falënderuan OMK-në për organizimin dhe uruan suksese të mëtejshme.

Në ceremoninë e hapjes solemne të Kongresit të III-të të Mjekësisë u nda edhe dekorata nderi i mjekut “Ali Sokoli”, kjo dekoratë iu nda Prof. Dr. Salih Ahmetit dhe u ndanë çmimet për 10 punimet më të mira shkencore, për vitin 2021.