Prof. Dr. Ardiana Gjini – Ligjëruese në Kongresin e III-të të Mjekësisë
20 Maj 2022Prof. Dr. Ardiana Gjini – Ligjëruese në Kongresin e III-të të Mjekësisë
Dr. Ardiana Gjini studioi dhe u kualifikua si mjeke në Universitetin e Prishtinës në vitin 1996, më pas vazhoi punën si mjeke në Spitalin Rajonal të Gjakovës dhe në vatrat e pushtuara nga lufta me organizata humanitare në Kosovë dhe refugjatët në Shqipëri deri në çlirimin e Kosovës në 1999. Mbas luftës punoi me OBSH pranë Insititutit Kombëtar të Shëndetit Publik dhe njëkohësisht në ambulantën e Shoqatës Nëna Terezë në Matiqan, Prishtinë. Më tutje vazhdoi studimet postdiplomike për Magjistraturë në Shëndetin Publik në Londër, duke vijuar më pas me studimet për Doktoratur në Epidemiologji dhe Menaxhim Klinik në Universitetin e Bristolit. Ndërkohë Dr Gjini fitoi vend për specializim në Mjekësinë Publike në Bristol të Anglisë dhe u kualifikua në të dyja si Specialsite dhe në PhD, në 2009, duke marrë shpërblimin për përfundim më të shpejtë në Severn Deanery në dy kualifikime. Karriera e Dr. Gjinit vijoi me një mori postesh udhëheqëse në regjionin e Jug- Perëndimit të Anglisë (me kryeqendër Bristol) si në shërbimin shëndetësor poashtu edhe akademi, kryesisht në fushat e skrenimit, kancerit dhe sëmundjeve ngjitëse duke qenë udhëheqëse regjionale për skrenimin kundër kancerit dhe imunizimin e fëmijëve. Pozita e tanishme e Dr. Gjinit është si udhëheqëse nacionale për skrenimet e kancerit dhe udhëheqëse regjionale për sëmundjet ngjitëse, përfshirë Covid-19, për Insitutin Kombëtar të Shëndetit Publik të Walesit.
Dr. Gjini mban pozita akademike si Ligjëruese e Lartë Klinike në Universitetin e Bristol dhe atë të Cardiff. Dr.Gjini ka punuar dhe kontribuar vazhdimisht dhe pandërprerë në mobilizim dhe përkrahje të vetëdijes shëndetësore të popullit, përkrhaje të kolegëve mjekësor në arenën e kancerit dhe gjatë dy viteve të fundit posaçërish në Covid-19, individualisht ose përmes shoqatave vullnetare.
Dr.Gjini është autore e dhjetëra publikimeve shkencore të kaulitetit të kontrolluar Peer-Review, autore e më së dhjetëra raporteve dhe protokoleve klinike mjeksore e shkencore të nivelit nacional, ka prezantuar në dhjetëra konferenca ndërkombëtare me renome shkencore dhe akademike. Dr Gjini ka disa kualifikime të larta si e përzgjedhur në Medical (NHS) Leadership Academy. Dr. Gjini është Fellow of Faculty of Public Health Medicine of Royal College of Physicians, Fellow of Royal Society of Medicine dhe anëtare e disa komiteteve nacionale dhe ndërkombëtare në fushën e skrenimit dhe kontrollës së sëmundjeve ngjitëse, poashtu Governor në Malmesbury School dhe anëtare e kryesisë në UK Albanian Medical Society.
