Dorëzohen komentet për projektligjin për pagat, OMK për herë të dytë dërgon sugjerimet dhe amendamentet
22 Maj 2018Dorëzohen komentet për projektligjin për pagat, OMK për herë të dytë dërgon sugjerimet dhe amendamentet
Në procesin e draftimit të projektligjit për pagat e funksionarëve publik, OMK-ja ka përgatitur amendamentet, sugjerimet dhe komentet lidhur me draftin i cili është duke u përgatitur nga dikasterët e ndryshëm që afektohen nga ky akt ligjor.
Ndër çështjet më të rëndësishme që janë propozuar nga OMK-ja, është kategorizimi i pagave sipas përgatitjes profesionale, si dhe precizimi i sistemit të kompensimeve për punën specifike dhe deficitare dhe atë për natyrën e ngarkuar të objektit të punës. Me propozime të tilla, me fokus tek mjekët dhe profesionistët shëndetësor në përgjithësi, OMK-ja është duke u angazhuar që padrejtësitë e së kaluarës lidhur me trajtimin e profesionistëve shëndetësor të mbetet vetëm në kujtesë. Statusi ligjor i mjekëve është tejet i rëndësishëm dhe i njëjti do të plotësohet me draftimin dhe miratimin e ligjit për të drejtat dhe përgjegjësitë e mjekëve.
Për avansimin e pozitës së mjekut nē sferën profesionale, ekonomike dhe sociale, nevojitet një angazhim i gjerë shoqëror për të cilin ne shpresojmë se nuk do të mungojë. OMK-ja do të rrisë bashkëpunimin me të gjitha grupet shoqërore në mënyrë që synimet e tilla të jenë të arritshme pa humbur kohë.
