Dr. Katrina Obas, Dr. Sci. Ligjëruese në Kongresin e III-të të Mjekësisë, me temën Pandemia Covid-19, Sfidat dhe Përvojat.

Dr. Katrina Obas e doktoruar në fushën e Epidemiologjisë dhe Shëndetit Publik, doktoraturën e ka të kryer në Institutin Zviceran të Shëndetit Tropikal dhe Publik (THH Zviceran) dhe Universitetin e Baselit, në Njësinë e Epidemiologjisë së Sëmundjeve Kronike të Prof. Nicole Probst- Hensch.

Ajo ka një përvojë klinike në kujdesin intensiv dhe infermierinë e kardiologjisë.

Ndërsa, gjatë doktoraturës së saj, ajo bashkë-zhvilloi dhe zbatoi Kohortën e Sëmundjeve Jo Transmetuese në Kosovë (KOSCO), të përfshirë në Projektin e Kujdesit Shëndetësor me Cilësi të Qasshme (AQH) dhe me bazë në 12 Qendrat Kryesore të Mjekësisë Familjare në mbarë Kosovën.

Ajo ka disa publikime në lidhje me studimin KOSCO dhe aktualisht është duke punuar në publikime të tjera.

Dr. Obas ka botuar gjithashtu një punim mbi Studimin e Kohortës Zvicerane për një kohë të gjatë (30 vjet) mbi ndotjen e ajrit dhe sëmundjet e mushkërive tek të rriturit (SAPALDIA), botimi është në fushën e depresionit dhe hipertensionit.

Për më tepër, ajo ishte një infermiere studimore për grupin mbi rrjedhën dhe efektet e epidemisë së koronavirusit në popullatën e kantoneve Basel-Stadt dhe Basel-Landschaft (COVCO).

Dr. Obas aktualisht punon në Departamentin e Epidemiologjisë dhe Shëndetit Publik në TPH zvicerane.