MBAHET MBLEDHJA KOMEMORATIVE PËR NDER TË PROF. DR. SHEFQET BERISHA
22 Shkurt 2022Sot u mbajt Mbledhja komemorative për nder të Prof. Dr. Shefqet Berisha. Mbledhja u mbajt në Komunën e Suharekës, nën patronatin e Kryetarit të kësaj Komune, Z. Bali Muharremaj.
Prof. Dr. Shefqet Berisha, Internist- Nefrolog, kishte të përfunduar specializimin në fushën e Mjeksisë Interne dhe specializimin e dytë në degën e Nefrologjisë. Në vitin 1980 doktoroi ku edhe mori titullin akademik: Profesor Doktor i lëndës Interne.
Në kuadër të Spitalit të Përgjithshëm në Prishtinë hapi Repartin e Nefrologjisë dhe Qendrën e Dializës, që e udhëhoqi deri në pensionim.
Dr. Shefqet Berisha u dekorua nga Oda e Mjekëve me dekoratën “Nderi i Mjekut Ali Sokoli”, gjatë Kongresit të parë të organizuar nga OMK, në tetor 2019.
Në mesin e shumë pjesëmarrësve, si përfaqësues i Odës së Mjekëve, Dr. Rrezart Halili, mbajti fjalim rasti.
