INAGURIMI I MONUMENTIT PËRKUJTIMOR – OBELISKU

INAGURIMI I MONUMENTIT PËRKUJTIMOR – OBELISKU

Sot, në orën 14:00, në hyrjen e QKUK-së u bë inagurimi i monumentit përkujtimor- Obelisk.

Pjesëmarrës në këtë inagurim ishin Ministri i Shëndetësisë Dr. Rifat Latifi, kryetari i Komunës së Prishtinës, z. Përparim Rama, kryetari i Odës së Mjekëve, Dr. Pleurat Sejdiu, kryetari i Odës së Infermierëve, Z. Naser Rrustemaj, kryetari i Odës së Farmacistëve, Prof.ass. Dr. Arianit Jakupi, kryetari i Odës së Stomatologëve, Prof. Dr. Blerim Kamberi dhe pjesëmarrës të tjerë të institucioneve shëndetësore të Republikës së Kosovës.

Fjalimin hyrës e bëri kryetari i OMK-së, Dr. Plaurat Sejdiu ku tha se ky Obelisk do t’i kujtoj vuajtjet e punêtorëve shëndetësor.

“Më në fund arritëm ta jetësojmë atë vendim që morrëm me Odat, që përmes këtij monumenti, që do të jetë për komunën si vend referimi dhe ja ku jemi në përurimin e tij. Tani e tutje do të kujtohen nga të gjithë ne, ku do t’i kujtojmë vuajtjet, sakrificat, gjakun e derdhur shumë shpesh nga ana e punëtorëve shëndetësor.
Të jetë kjo ditë përkujtimore për punëtorët shëndetësor, të jetë ditë që respektohet puna e kolegëve tanë.”, tha Dr. Pleurat Sejdiu.

Dr. Rifat Latifi i quajti heronj të pandemisë, punëtorët shëndetësor që kanë ndërruar jetë.
“Fati i mantelbardhëve është i lidhur me popullin e tyre. Përkujtojmë dhe përulemi për heronjtë e pandemisë. Ky monument është shenjë respekti nga ne të gjallët. Le të na shërbej devotshmëria e kolegëve dhe humanizmi i tyre”, ka thënë Dr. Latifi

Kryetari i Komunës së Prishtinës, Z. Përparim Rama: është intervenim i vogël, e punën madhështore që mjekët e bëjnë u kemi borxh. Ne si komunë sadopak jemi gati t’iu ndihmojmë me një përkujtimore të merituar.

Ndër të tjera tha se edhe janë mbajtur takime për ndërtimin e një spitali të qytetit.

Obelisku u bë për të nderuar sakrificën e të gjithë profesionistëve shëndetësor ndër dekada, në veçanti atyre që kanë humbur jetën gjatë këtyre sdidave.

Ky monument u bë nga Odat e Profesionistëve Shëndetësor me përkrahjen e ministrit të shëndetësisë, kryetarit të Prishtinës, asamblenë Komunale dhe donatorë të ndryshëm.